12/12/2013 18:36:05

Burgjet ç'njerëzore në Greqi

Gjykata Europiane për të Drejtat përmes dy vendimeve të veçanta e ka dënuar sot ashpër Greqinë

STRASBURG - Qeli të tejmbushura me të dënuar dhe për të tepër të ndotura dhe të mbushura me buburreca dhe insekte të tjera, akses tepër i kufizuar në tualete: këto janë kushte ''çnjerëzore dhe degraduese'' në të cilat të burgosurit jetojnë në Greqi, vendi të cilin Gjykata Europiane për të Drejtat përmes dy vendimeve të veçanta e ka dënuar sot ashpër.

Besik Khuroshvili, shtetas gjeorgjian i cili kishte hyrë ilegalisht në territorin grek, ndodhej i burgosur në qendrën e ndalimit të imigratëve klandestinë ''Aspropyrgos'', në afërsi të Athinës, në periudhën korrik-dhjetor 2010.

Ai paraqiti një ankesë specifike, kryesisht për mbipopullimin e qendrës, ku mbaheshin 136 të burgosur në një hapësirë prej 240 metër katror, që sipas qeverisë greke, për shkak të mungesës së fondeve për furnizimet ushqimore, (shumë që varion në 5,87 euro në ditë, që nuk mundësojnë blerjen e asnjë artikulli tjetër veç dy sanduiçeve në 24 orë), për mungesë ajrimi dhe ndriçimi dhe të kushteve sanitare që linin shumë për të dëshiruar.

Këto afirmime u mbështetën nga Komiteti për Ndalimin e Torturës, që për më tepër kishte konstatuar këto fenomene gjatë disa vizitave të kryera në terren gjatë periudhës 2007-'11, të tilla si qelitë e populluara nga buburreca dhe morra, po ashtu dhe se të burgosurit, gjatë natës, duhet të kryenin nevojat personale në shishe, si pasojë e mohimit të aksesit në tualete.

Gjykata vendosi një shumë prej 8 mijë si dëmshpërblim për dëmet romale të pësuara nga Khuroshvili. Po ashtu trupi gjykues vendosi për një dëshpërblim prej 8 500 eurosh për Vassilios Kanakis, i dënuar edhe për trafik lëndësh narkotike dhe i burgosur gjatë periudhës korrik 2009 deri në mars 2011, i cili kishte qëndruar në një qeli prej 25 metrash katror të infektuar nga morrat dhe buburrecat, ku po ashtu ndodheshin edhe nëntë persona të tjerë, në qendrën e burgimit në Larisa, Greqia qendrore.

Gjykatësit europianë deklaruan se me 2,5 metra katror në dispozicion, ai kishte "pësuar një traumë dhe vuajtje të një intensiteti që tejkalonte shumë herë nivelin e pashmangshëm të vuajtjeve që një individ kalon gjatë burgosjes dhe se kjo përbënte një trajtim çnjerëzor dhe degradues". Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin